1359 | 5 | 2.33 MB

0.00

0

سؤال مهم يفرض نفسه بقوة..
ليه الكتاب ده بلغته العامية البسيطة؟
ايه الجديد اللى اقدر اقدمه في أدب الرحلات بعد عمالقه سبقونى مش هكون ابدا في نصف حجمهم؟
امتزج عشقى للتاريخ بحياة حافلة بالسفر .. حلمت أكون سندباد يلف الدنيا كلها .. أصارع وحوش و أنقذ أميرات و أعمل قلق .. و فى الآخر .. أحكي الكلام ده كله لأحفادي.
من تجربتي .. الأسفار فيها ألف فايدة و فايدة.. مش بس سبعة..
كل كتاب هتقراه في ادب السفر و الترحال هينورلك جزء كان غامض في حياتك..
رسائل لا تنتهى دايما .. و خبرات هتعيشها و انت في مكانك.
من ضمنها مثلا .. و دي الرسالة الأساسية من الكتاب ده .. ان طريق التحضر سهل اوى.. بس نفكر صح.
هحكيلكوا ازاى البشر مختلفه.. ومازالت عايشه و متعايشه.
هحكى ازاى اتعلمت إن تحت سماء الله الواسعة في متسع لكل البشر عندهم نفس الحق في الحياة..
اختصاراً..
نقدر نعيش كلنا في سعادة.. و نقدر كلنا نموت بعض بسرعة..
حبيت أوصل الرسالة دي للناس .. ببساطة و بدون تقعر .. اعتبرني صاحبك و قاعدين بندردش على القهوة .. المشاريب على حسابي .. بس أنت اديني ودنك..