من كام سنه كده جت على البلد هوجة كتب وكورسات ومحاضرات تنمية بشرية بطريقة مكثفة تخش أى مكتبه ولا تروح معرض الكتاب تلاقى كمية كتب رهيبة زي : ” التعامل مع الشخصيات الصعبة ” ” توقف الان واصنع نجاحك ” وهكذا ، والكتاب من دول تلاقية 200 أو 300 صفحة غلافه الأمامي عليه صورة المؤلف الأنيق اللى بيضحك ضحكة شيطانيه خبيثة ليها معزى وبيشاور عليك بصباعه اللى واخد نص الغلاف وكأنه بيقولك : أنت ايوه انت ياللى مش عارف تمارس حياتك بصورة طبيعيه انا اللى هرجعلك ثقتك بنفسك وهخليك تخرج من كل همومك ادفع بس 120 جنيه وأوعدك أن كل مشاكلك هتتحل في ثواني .