أمال بطلة القصة هتحكي كل شيء بالتفصيل.. أنا أمال علي عبد الرحمن، والدي الأستاذ علي عبد الرحمن، موظف حكومي أد الدنيا في شركة حكومية أد الدنيا علي رأي أمي حبيبتي، ماما سميحة ست بيت شاطرة أوي أد الدنيا، وأنا أكبر إخواتي وهما أميمة وأمنية، توأم متشابه يصغروني بسبع سنوات، وأدهم يصغرني بعشر سنوات، عايشين في بيت صغير وجميل وعند ماما طبعا، بيتنا ده أد الدنيا في عمارة تناسب موظف حكومي طبعا، دي عيلتي الصغيرة، وباقي الشخصيات هتعرفوهم بعدين علشان هما كتار قوي.